Teatër luhet në çdo kohë, edhe në nëntokë

Për shkak rë pandemisë teatrot në të gjithë Evropën u mbyllën, përvec njërit ku ende vijon të luhet ndonëse “underground”. Në “Deutsches Theater” në Göttingen vijon të interpretohet vepra  “Metoda” jo në salla por në parking.

Shfaqja është e bazuar në pjesën “Corpus Delicti”, shkruar nga July Zeh, duke u zhytur thellë në shqetësimet e izolimit.

 “Ne luajmë në nëntokë në parking sepse nuk mund të luajmë në skenë për shkak të distancës sociale. E me të drejtë ne krijuam dicka shumë të veçantë, çdokush ulet në makinën e tij mban dritaret mbyllur e kështu shmaget edhe kontakti fizik”shprehet Marina Lara Poltmann aktore.

E nëse shumë teatro private kanë probleme për të paguar stafin, kjo nuk ndodh me teatrot publikë siç është Deutsches Theatre. Qyteti i Göttingen siguron pagën për anëtarët e tij.

Në këtë projekt të veçantë underground u përfshinë 24 nga 26 aktorët.

“Unë mund të shoh aktorët, por megjithatë jam i vetëdijshëm që ka dy herë izolim. Nga ana tjetër tingulli dërgohet direkt në makinë dhe në këtë mënyrë krijohet një afërsi shumë e ngushtë dhe madje edhe intimiteti, përmes akustikës. Njerëzit e dinë shumë mirë këtë mospërputhje, sepse kjo ishte një nga shqetësimet kryesore të tyre gjatë atyre javëve të fundit, si të menaxhohet afërsia dhe distanca” shprehet Erich Sidler menaxher i teatrit.

Shfaqja tregon ftohtë sesi shoqëritë transformohen nga një virus. Njerëzit pësojnë mutacione, distancimi shoqëror shndërron qëniet njerëzore në zombi të izoluar. Një temë aktuale e ndërthurur edhe me një atmosferë aspak të zakontë.