Teherani: Shërbimet e huaja të inteligjencës qëndrojnë pas protestave në Iran 

Ministria iraniane e Inteligjencës dhe Korpusi i Gardës Revolucionare Islamike pretendojnë se agjencitë e inteligjencës të Shteteve të Bashkuara të Amerikës, Britanisë së Madhe, Izraelit dhe Arabisë Saudite qëndrojnë pas protestave në Iran.

Siç thuhet në deklaratën e përbashkët, agjencitë e huaja të inteligjencës “kanë luajtur një rol në trazirat dhe dhunën në Iran, me qëllim të minimit të sigurisë së vendit”, raporton Tass.

Shumica e trazirave thuhet se janë nxitur nga anëtarë të Mosadit të Izraelit në bashkëpunim me grupet radikale islamike.

Në deklaratë, agjencitë e huaja të inteligjencës akuzohen për dërgimin e pajisjeve ushtarake dhe të spiunazhit në Iran dhe se shërbimi amerikan ka trajnuar agjentë në Iran, duke përfshirë kameramanin që filmoi për herë të parë Mahsa Amin ndërsa ajo ishte në spital.

Protestat në Iran nisën pas vdekjes së 22-vjeçares Mahsa Amin në burg më 16 shtator, e cila u arrestua nga policia e moralit për mbajtjen e pahijshme të hixhabit.

LEXONI GJITHASHTU:

• Protesta në Iran hyjnë në javën e gjashtë, studentët përballen me goditje ushtarake
• Protesta në Iran, forcat e sigurisë hyjnë në universitetin e Teheranit