Temperatura deri në 34 gradë, meteorologu Hakil Osmani tregon si do të jetë koha gjatë javës në vazhdim

Meteorologu i Meteoalb Hakil Osmani tha për Euronews Albania se gjatë kësaj jave vendi ynë pritet të jetë në dominimin e motit të kthjellët, në zonat e ulëta ndërsa në zonat malore pritet të ketë kalime vranësirash të lehta.

“Sot priten reshje të izoluara shiu, ndërsa duke nisur nga e marta do të mbizotërojë moti i kthjellët.

Moti i qëndrueshëm pritet të mbetet prezent gjatë kësaj jave dhe javës tjetër në të gjithë territorin”, tha meteorologu.

Sa i përket vlerave termike, pritet rritje e lehtë graduale sot dhe nesër ndërsa mesjava sjell rritje të ndjeshme deri 33-34 gradë, por edhe vlerat minimale pritet që të rriten me 3 gradë.