Temperatura mbi 40 gradë këtë javë, shkak masat ajrore afrikane

Java e fundit e korrikut pritet të jetë nën mbizotërimin e kthjellimeve.

Meteorologu i Meteoalb, Hakil Osmani tha se temperaturat do të kenë një rritje të ndjeshme në të gjithë territorin, pasi do të vijnë masat ajrore afrikane.

Pritet që gjatë kësaj jave temperaturat të shkojnë mbi 40 gradë celcius. Ndërsa nga e mërkura deri të premten, temperaturat do të shkojnë deri në 43 gradë.

Fundjava sjell një rënie të lehtë të temperaturave, me 2 deri në 3 gradë.

Edhe Kosova dhe Maqedonia e Veriut pritet të jetë deri nën dominimin e motit të kthjellët, ku temperaturat do të shkojnë deri në 40 gradë.

LEXONI GJITHASHTU:

• Moti i keq përfshin Kosovën, përmbytet Prishtina, Gjilani dhe Skënderaj
• Të mërkurën përmirësohet moti, gjatë fundjavës temperatura deri në 38 gradë