Tensione brenda BE-së përpara takimit për ndalimin e vizave për rusët

Ministrat e Punëve të Jashtme të Bashkimit Evropian takohen në Pragë, ku ndër të tjera do të vendosin për apelin e Ukrainës për ndalimin e plotë të vizitave të turistëve rusë në vendet anëtare të bllokut.

Në mesin e zyrtarëve që mbështesin ndalimin e vizave për rusët, ka më së shumti ata që vijnë nga vendet baltike dhe nga lindja e BE-së, por disa nga vendet më të mëdha anëtare e kundërshtojnë një akt të tillë.

Çfarëdo që të vendoset në takimin e Pragës, kjo situatë ka nxjerrë përsëri në plan të parë atë që ka qenë e dukshme, në një masë më të vogël ose më të madhe, që nga fillimi i luftës në Ukrainë – është e rrallë të gjesh një konsensus unanim pa asnjë kritikë dhe ndarjet që ziejnë brenda vetë bllokut janë ende në fuqi.

Nga krahu lindor i Bashkimit Evropian, ku shpesh mund të dëgjohen zëra që thonë se duhen sanksione më të forta kundër Rusisë, ka mbërritur një propozim për të ndaluar plotësisht hyrjen e turistëve rusë në vendet evropiane.

LEXONI GJITHASHTU:

• BE-ja po rrit kapacitetet e fermave me erë në Detin Baltik