Të paktën 9 palestinezë janë vrarë të enjten në Lindjen e Mesme, gjatë një operacioni ushtarak izraelit në Bregun Perëndimor.
Operacioni u krye në qytetin e Jeninit, ku ushtria izraelite kishte zbarkuar për të arrestuar një grup militantësh islamikë që po përgatiste sulme në përmasa të mëdha.
Presidenca palestineze akuzoi Izraelin për një “masakër”, në një kohë kur qyteti verior është kthyer në muajt e fundit në skenë të sulmeve të vazhdueshme.
Aksionet ushtarake janë, sipas Izraelit, pjesë e një ofensive madhore anti-terrorizëm që nisi në muajin prill të vitit të kaluar.
Breshëri të shtënash dhe shpërthime u dëgjuan në mbarë qytetin Jenin, gjatë përplasjes mes trupave izraelite dhe militantëve.
Ministria palestineze e Shëndetësisë bëri të ditur se përveç 9 personave të vrarë, rreth 20 të tjerë mbetën të plagosur.
Nga ana e tyre, Forcat Mbrojtëse të Izraelit deklaruan se njësitë e saj kishin hyrë në qytet për të arrestuar një skuadrilje terroristësh, e përfshirë në planifikimin e sulmeve dhe vrasjeve të civilëve izraelitë.
Ato sulmuan një shtëpi që shërbente si strehë e grupit të Xhihadit Islamik dhe Hamasit. Nga ana e tyre, dy organizatat në fjalë thanë se iu përgjigjën sulmit me armë zjarri dhe pajisje shpërthyese të improvizuara.
LEXONI GJITHASHTU: