Tensionet te “Selman Stërmasi”, lirohen presidenti dhe administratori i klubit Kastrioti

Gjykata e Tiranës liroi nga qelia Alban Voglin, presidentin e klubit të futbollit Kastrioti dhe Gazmend Voglin, administrator të klubit.

Për Alban Voglin Gjykata caktoi masën “detyrim për paraqitje”, ndërsa për Gazmend Voglin “arrest në shtëpi”.

Dy zyrtarët e klubit të futbollit u arrestuan të shtunën gjatë përballjes Tirana-Kastrioti në stadiumin “Selman Stërmasi” në kryeqytet.

Gazmend Vogli u fut në fushë duke ndërprerë për disa minuta takimin, ndërsa Alban Vogli ka kundërshtuar punonjësit e policisë jashtë saj.

Vendimi për këtë çështje është marrë nga gjyqtarja Ardiana Bera.

LEXONI GJITHASHTU: 

• Incidente në “Selman Stërmasi”, Tirana fiton mes dhunës ndaj Kastriotit