Tentoi të vidhte një automjet, në pranga 28-vjeçari në Tiranë

Një 28-vjeçar është arrestuar ditën e sotme në Tiranë, pasi tentoi të vidhte një automjet.

Policia bën me dije se në pranga ka rënë N.P, dhe akuzohet për veprat penale “Vjedhja”, mbetur në tentativë, dhe “Shkatërrimi i pronës”.

I riu është kapur në në orët e para të mëngjesit, në rrugën dytësore Tiranë-Durrës, në kuadër të operacionit të koduar “Ndërhyrja”.

Pas shoqërimit në komisariat, policia bën me dije se 28-vjeçari ka goditur stolat dhe kamerat e sigurisë së dhomave të shoqërimit.

Ndërkohë, vijon puna për dokumentimin e vjedhjeve të tjera që mund të jenë kryer nga ky shtetas.

Materialet i kaluan Prokurorisë, për veprime të mëtejshme procedurale.

LEXONI GJITHASHTU: 

• Të krijohet xhandarmëria, pjesë e saj dhe komandot, thotë eksperti Softa
• Pollo e quan ‘xhirim bosh’ fjalimin e Ramës në Këshillin e Europës