Tentuan të kalonin kufirin me dokumente të falsifikuara, procedohen dy persona

Ndaj dy personave ka nisur  procedimi penal pasi janë kapur duke kaluar kufirin në Rinas me dokumente të falsifikuara.

Policia bën me dije se ka nisur procedimi penal për  Xh. J., 49 vjeç, banues në Suharekë, Kosovë dhe K. R., 38 vjeç, banues në Lushnjë, për veprat penale “Falsifikimi i letërnjoftimeve, pasaportave ose i vizave” dhe “Falsifikimi i vulave, i stampave ose i formularëve”.

Gjatë përpunimit të dokumentacionit ka rezultuar se këta kishin paraqitur dokumente identifikimi të falsifikuara, për të dalë jashtë Shqipërisë.

Më pas, gjatë kontrollit të imtësishëm në vijën e dytë, shërbimet e Policisë Kufitare, gjatë kontrollit të bagazheve të tyre, kanë gjetur dokumente të tjera të falsifikuara.

“Shërbimet e Policisë Kufitare po vijojnë punën për parandalimin dhe goditjen e paligjshmërisë dhe të krimeve ndërkufitare, si dhe për t’iu ofruar një shërbim sa më cilësor qyetarëve, në hyrje dhe në dalje të RSH-së”- njofton policia.

LEXONI GJITHASHTU:

• Putin thotë se lufta mund të vazhdojë derisa “ukrainasi i fundit të mbetet në këmbë”
• Cilat shtete lejojnë studentët nga vendet jo anëtare të BE të punojnë gjatë studimit