Tentuan të “vjedhin” një veshkë, arrestohet senatori dhe gruaja e tij

Një senator nigerian, gruaja e tij dhe një mjek janë burgosur për komplot trafiku organesh.

Politikani Ike Ekweremadu, 60 vjeç dhe gruaja e tij Beatrice, 56 vjeç, u akuzuan për një komplot për të sjellë një burrë nga Lagos në Britani në mënyrë që t’i merrnin veshkën për vajzën e tyre 25-vjeçare Sonia Ekweremadu.

Rasti shënoi herën e parë që të pandehurit dënohen sipas Aktit të Skllavërisë Moderne për një komplot për marrjen e organeve. Edhe pse është e ligjshme të dhurosh një veshkë, bëhet kriminale nëse merr para ose ndonjë përfitim tjetër material.

Çifti, së bashku me mjekun Dr. Obinna Obeta, 50 vjeç, u shpallën fajtorë. Sonia Ekëeremadu – e cila ka një sëmundje të rëndë të veshkave – qau në gjykatë pasi u lirua nga e njëjta akuzë.

Në një seancë dëgjimore të premten, Ekweremadu u burgos për nëntë vjet e tetë muaj, gruaja e tij Beatrice u dënua me katër vjet e gjashtë muaj burg, ndërsa Obeta u dënua me 10 vjet burg.

Thuhet se burri i cili do të jepte veshkën do të shpërblehej për dhurimin e organit në një procedurë private prej 80,000 £ në Spitalin Royal Free të Londrës. Prokuroria pretendoi se donatorit, i cili nuk mund të identifikohet për arsye ligjore, iu ofruan deri në 7,000 £ së bashku me premtimin për një jetë më të mirë në MB.

Donatori nuk e kuptoi deri në takimin e tij të parë me një konsulent në spital se ai ishte atje për një transplant të veshkave. Sipas informacioneve burri ishte paraqitur si kushëriri i Sonia Ekweremadu në një përpjekje të dështuar për të bindur mjekët që të kryenin procedurën në Spitalin Royal Free.

LEXONI GJITHASHTU:

• Rrëzohet kërkesa e mbrojtjes, Gjykata e Elbasanit lë në burg rusin Mikhail Zorin
• I përfshirë në vrasjen e Nikulaj, gjykata britanike refuzon të arrestojë anglezin