“Tepër shqetësuese”, deputeti Ismaili komenton censusin e popullsisë në RMV

Hysni Ismaili, deputet i partisë “Alternativa” në Maqedoninë e Veriut tha për Euronews Albania se shtyrja e regjistrimit të popullsisë në RMV është një situatë e ngjashme me atë të vitit 2011 dhe se për ta është shumë shqetësuese.

“Është interesant fakti se kryeministri Zoran Zaev para një jave ose dhjetë ditësh tha se mund të merret vesh me të gjithë, vetëm me zotin Hristjan Mickoski që është kryetar i VMRO-DPMNE dhe tani vjen me një thirrje telefonike, vjen dhe të gjitha çështjet i zgjidhin duke shtyre regjistrimet, pa e ditur dikush,- tha Ismaili.

Sipas tij, rekomandimi i Kombeve të Bashkuara ishte që të anulohet regjistrimi për shkak të pandemisë, po siç tha dhe deputeti i “Alternativës”, kanë qenë po të njëjtët njerëz ata që kanë insistuar se regjistrimi duhet mbajtur.

Në këndvështrimin e tij kjo shtyrje është arsye e mjaftueshme për të zbehur vullnetin dhe me këto ritme, regjistrimi i popullsisë në Maqedoninë e Veriut mund të vijojë të shtyhet me dekada.

LEXONI GJITHASHTU: 

• Pas shtyrjes së regjistrimit të popullsisë në RMV, reagojnë partitë shqiptare
• Shtyrja e censusit në RMV: Nuk erdhi për shkak të shqiptarëve, por është në favorin tonë