Ter Stegen do t’i nënshtrohet operacionit, e ardhmja te Gjermania dhe Girona në dyshim

Marc-André Ter Stegen, portieri i huazuar i Barcelonës te Girona, do të operohet këtë të premte për dëmtimin e kofshës së pasme në këmbën e majtë, të cilin e pësoi gjatë ndeshjes kundër Oviedos. Periudha e rikuperimit do të përcaktohet pas ndërhyrjes kirurgjikale, por parashikohet të jetë rreth tre deri në katër muaj.

Ky dëmtim vjen në një moment të vështirë për Gironën, që po lufton për të shmangur rënien nga kategoria, dhe për Ter Stegen, i cili kishte planifikuar të përgatitej për Kupën e Botës pas tërheqjes së Neuer nga kombëtarja. Portieri tashmë ka përjetuar tre dëmtime serioze në dy vitet e fundit, duke përfshirë një operacion në shpinë verën e kaluar.

Nëse mungesa afatgjatë konfirmohet, Girona do të ketë Ter Stegen në dispozicion vetëm për dy ndeshje deri në qershor, duke goditur klubin si sportivisht, ashtu edhe financiarisht, pasi paguan vetëm 10% të rrogës së tij. Megjithatë, portieri mund të arrijë te Kupës së Botës i rikuperuar, por me mungesë forme fizike.