Tërhiqen protestuesit në Kanada pas bllokimit 1-javor të urës me SHBA-në

Përballja e tensionuar në kufirin amerikano-kanadez duket se u zhbë në mënyrë paqësore ditën e shtunë.

Manifestuesit filluan të largoheshin pa bërë rezistencë, pasi policia kanadeze ndërhyri për t’i shpërndarë pas bllokadës 1-javore.

Protestuesit tek Ura e Ambasadorit dhe në pjesë të tjera të Kanadasë synonin heqjen e kufizimeve anti-COVID.

Gjithashtu, në vend ka pasur edhe një rrymë kundër kryeministrit Justin Trudeau, i cili i quajti demonstruesit një shtresë të dytë të shoqërisë kanadeze.

Shumë protestues, duke drejtuar kamionë të vegjël e të mëdhenj, kanë kaluar net të tëra në vend grumbullimet e tyre për të kundërshtuar masat kufizuese, që kanë çoroditur tregtinë dhe prodhimin, sidomos në industrinë e automjeteve.

Ura e Ambasadorit është kalimi më i rëndësishëm kufitar mes Shteteve të Bashkuara dhe Kanadasë, ku kryhet 25 për qind e tregtisë mes dy vendeve.

Protestat janë pagëzuar me parullën “Marshimi i Lirisë” dhe nisën me një tubim të vogël në kryeqytetin Otaua, për t’u përhapur më pas në Toronto, Montreal e më gjerë.