Tërmeti 5.6 ballë godet Indonezinë, 46 viktima e dhjetëra të plagosur

Një tërmet ka goditur ishullin kryesor indonezian Java, duke lënë të paktën 46 persona të vdekur dhe 700 të plagosur, thonë zyrtarët.

Tërmeti me magnitudë 5.6 ballë goditi qytetin Cianjur në Java Perëndimore, në një thellësi prej 10 km, sipas të dhënave të Shërbimit Gjeologjik të SHBA.

Lëkundjet u ndjenë në kryeqytetin Xhakarta rreth 100 km larg, ku njerëzit në ndërtesat e larta u evakuuan.

Zyrtarët kanë paralajmëruar se numri i të vdekurve mund të rritet.

BBC shkruan se të paktën 300 njerëz po trajtoheshin për lëndime në një spital në Cianjur.

Ekipet e shpëtimit janë përpjekur të evakuojnë njerëzit nga ndërtesat e shembura dhe kanë arritur të shpëtojnë një grua dhe foshnjën e saj.

LEXONI GJITHASHTU: 

• Gara për kreun e SPAK, KLP miraton listën me 3 kandidatët
• Hapja e portave të HEC-ve përmbytën Shkodrën, thotë Bardh Spahia