“Terror, shkelje e rëndë e ligjit”, Brataj komenton arrestimin e mjekut tek Trauma

Kreu i Urgjencës Mjekësore, Skënder Brataj e quajti terror arrestimin e mjekut Fitim Marku tek Spitali i Traumës.

Në studion e Euronews Albania, Brataj nënvizoi se policia ka hyrë në sallë dhe ka arrestuar mjekun teksa i shërbente një personi të intubuar.

Mjeku u shpreh se gjithçka që ndodhi tek spitali i Traumës ishte një show.

“Është një shkelje shumë e rëndë për disa arsye. Është shumë demostrative. Kanë hyrë në sallën e operacionit persona me maska, kanë hequr mjekun nga pacienti i intubuar. Këto janë shkelje shumë të rënda. Të heqësh mjekun nga pacienti i intubuar ky është krim. Ka një shkelje të madhe sa i përket anës procedurale. Ky është një akt terrorist. Për çfarë u infiltrua një agjent policie, ku është grupi kriminal brenda. Ky ishte një terror, një show shumë i shëmtuar”, u shpreh Brataj.

Një ditë më parë, Gjykata e Tiranës vendosi masën “arrest shtëpie” për mjekun Fitim Marku të arrestuar të premten te spitali i Traumës.

Burime për Euronews Albania bëjnë me dije se për shkak të ishemisë celebrale, mjeku ishte i lidhur me aparatura dhe në pamundësi për të dhënë shpjegime para gjykatës.

Mjeku dyshohet të jetë kapur në flagrancë brenda ambienteve të spitalit duke marrë ryshfet nga pacientët.

Ndërkohë në prangat e policisë, ra një tjetër mjek dhe një infermiere.

LEXONI GJITHASHTU:

• Arrest shtëpie për mjekun e arrestuar te Trauma
• ‘100 mijë lekë’, zbulohen përgjimet që çuan në pranga mjekun tek Trauma
• Mjeku i arrestuar te trauma u kap në flagrancë duke marrë ryshfet