Tetë të vdekur në Kosovë nga Covid-19

Tetë persona të infektuar me Covid-19 kanë humbur jetën në Kosovë. Të dhënat bëhen publike nga ana e Institutit Kombëtar të Shëndetit Publik, i cili thotë se janë kryer 3208 teste të dyshuara, prej të cilave 345 kanë rezultuar pozitivë.

Nga fillimi i epidemisë, Kosova raporton 1996 humbje jete, kurse  numri  i personave të prekur ka shkuar mbi 98 mijë.

Rastet pozitive janë nga komunat:

Prishtinë 113 raste, Gjakovë 45 raste, Gjilan 37 raste, Mitrovicë 30 raste, Ferizaj 18 raste, Fushë-Kosovë 18 raste, Podujevë 16 raste, Vushtrri 13 raste, Pejë 10 raste, Prizren 10 raste, Lipjan 7 raste, Skenderaj 6 raste, Dragash 4 raste, Kamenicë 4 raste, Deçan 3 raste, Obiliq 2 raste, Rahovec 2 raste, Viti 2 raste dhe me nga një rast komunat Junik, Kaçanik, Klinë, Malishevë dhe Shtime.

Pavarësisht se nuk ka doza të mjaftueshme, Kosova vijon të kryejë vaksinimin e personave mbi 80 vjeç me qëllim për të ulur përhapjen e infeksionit në popullatë.