Tetë të vdekur në Kosovë si pasojë e Covid-19

Në Kosovë tetë qytetarë të prekur nga Covid-19 kanë ndërruar jetë. Të dhënat bëhen publike nga Institutit kombëtar i Shëndetit Publik, i cili thekson se nga 2835 teste të kryera, 498 prej tyre janë konfirmuar pozitivë.

Kosova nga fillimi i epidemisë ka raportuar në total 2061 humbje jete, ndërsa mjekët kanë konfirmuar se shumica e tyre kanë qenë me sëmundje të tjera bashkëshoqëruese. Ajo që mbetet shqetësuese në vend është numri i rasteve aktive.

“Gjatë 24 orëve të fundit, janë shëruar 641 pacientë derisa numri i përgjithshëm i të shëruarve deri më sot është gjithsej 86.483 raste, kurse numri i rasteve aktive është 12.609”, thekson IKSHPK-ja.

 Rastet pozitive janë nga komunat:

Prishtinë 104 raste, Gjilan 40 raste, Pejë 35 raste, Ferizaj 33 raste, Mitrovicë 32 raste, Vushtrri 31 raste, Fushë-Kosovë 27 raste, Gjakovë 27 raste, Prizren 22 raste, Skenderaj 23 raste, Obiliq 18 raste, Podujevë 17 raste, Istog 12 raste, Malishevë 12 raste, Suharekë 12 raste, Lipjan 11 raste, Deçan 9 raste, Drenas 7 raste, Klinë 6 raste, Shtime 6 raste, Viti 6 raste, Kaçanik 3 raste, Kamenicë 2 raste, Rahovec 2 raste, dhe një rast komuna Hani i Elezit.

Autoritetet shëndetësore kërkojnë nga qytetarët të tregohen të kujdesshëm dhe të respektojnë masat e vendosura kundër Covid-19.