Thirrjet e BE-së dhe OSBE-së për kreun e AMA-s, të vonuara, thotë eksperti i komunikimit

“Kam përshtypjen se janë pak të vonuar me këtë, pasi dihej qasja e maxhorancës për emrat e propozuar dhe nxitimi për të mbyllur këtë çështje përpara se të vinte parlamenti i ri në shtator”.

Kështu u shpreh pedagogu i shkencave të komunikimit, Erlis Çela teksa komentoi në Euronews Albania thirrjet e delegacionit të BE-së dhe OSBE-së që shtyhet për në shtator votimi për kreun e AMA-s.

Z. Çela shtoi se thirrjet e delegacionit të BE-së dhe OSBE-së janë me vend dhe se duhet të dëgjohen nga Kuvendi.

Sa i përket nismës së maxhorancës për të votuar në seancën e sotme të Kuvendit emrin e ri të kreut të AMA-s, ai theksoi se ky do të ishte një vendim jo i duhur, në një kohë jo të duhur.

LEXONI GJITHASHTU:

• BE dhe OSBE thirrje Kuvendit të shtyjë votimin për kreun e AMA-s
• Ligji i medias, Ambasadori Soreca: Koha të nisë konsultimi për draftin e rishikuar
• Detyrat për Shqipërinë, Schütz: Të garantohet sundimi i ligjit, kujdes lirinë e medias