Tone pozitive nga Bullgaria për heqjen e vetos ndaj RMV-së

Ka tone pozitive nga presidenti i Bullgarisë, por edhe nga opozita bullgare për heqjen e vetos ndaj Maqedonisë së Veriut dhe hapjen e rrugës për negociatat me BE-në.

Gazetarja Ferikan Iljazi raportoi nga Shkupi se autoritetet në RMV presin sa më shpejt një vendim të qeverisë bullgare, pasi nuk kanë shumë kohë për të humbur.

Ndërsa, sa i përket samitit mes BE-së dhe liderëve të Ballkanit Perëndimit, gazetarja raportoi se sinjalet janë që kryeministri i Maqedonisë së Veriut që nuk do të shkojë në Bruksel për të marrë pjesë në takim.

Liderët e tre vendeve të nismës Open Ballkan pritet të dalin sot më një vendim zyrtar nëse do të marrin pjesë në samitin e Bashkimit Europian që mbahet nesër dhe pasnesër në Bruksel.

Një ditë parë, kryeministri i Shqipëri, Edi Rama, presidenti i Serbisë Aleksandër Vuçiç dhe kryeministri i Maqedonisë së Veriut, Dimitar Kovaçevksi kanë vënë në dyshim pjesëmarrjen në samitin e BE.

Sipas tyre, në këtë samit nuk do të ketë asnjë vendim për hapjen e negociatave zyrtare me Shqipërinë dhe Maqedoninë e Veriut, për shkak të Vetos së Bullgarisë. Mos marrja nga BE e një vendimi pozitiv për dy vendet, sipas kryeministrit Rama e bënë të panevojshme praninë e tyre në samitin e BE.

LEXONI GJITHASHTU:

• Varhelyi: Sot presim heqjen e vetos së Bullgarisë për Maqedoninë e Veriut
• Kreu i opozitës bullgare: I hap rrugë negociatave për Shqipërinë dhe RMV