Toni Kroos tërhiqet nga Kombëtarja e Gjermanisë

Toni Kroos është tërhequr zyrtarisht nga Kombëtarja e Gjermanisë. Mesfushori i Realit të Madridit ka njoftuar vetë me anë të një postimi në rrjetin social “Instagram” këtë vendim.

“E kisha marrë vendimin për t’u tërhequr pas këtij turneu prej shumë kohësh, e kisha të qartë që nuk do të isha në Kupën e Botës në Katar në vitin 2022. Kryesisht dua të përqendrohem tek objektivat me Real Madrid”, ka shkruar.

Ai ka luajtur për kombëtaren gjermane në 106 ndeshje nga ku ka realizuar dhe 17 gola.

“Kam luajtur 106 ndeshje me Gjermaninë. Nuk do të ketë më një tjetër. Do të kisha dashur, dhe dhashë gjithçka, që të luaja 109 ndeshje dhe të fitonim Kampionatin Europian”, shkroi Kroos.

Një lajm i trishtë ky për “Pancerat” pasi humbasin një nga mesfushorët më të mirë në historinë e kombëtares gjermane.