Milan ka pësuar humbje nga Torino me rezultat 1:2, në kuadër të javës së 12-të të Serie A në futboll.
Torino ishte dukshëm më e mirë sesa skuadra mysafire, duke shënuar dy herë brenda vetëm dy minutave në pjesën e parë.
Koffi Djidji në minutën e 35-të solli vendasit në epërsi, ndërsa goli i dytë u bë nga Aleksei Miranchuk.
Në pjesën e dytë, skuadra vendase mbrojti epërsinë prej dy golash, ndërsa Milan ishte skuadra që diktoi lojën në fushë.
Pas kësaj fitoreje, e dyta radhazi, Torino renditet e nënta në tabelë me 17 pikë, një më shumë se Sampdoria, një pozitë më poshtë; ndërsa Milan pësoi humbjen e dytë këtë sezon dhe renditet i treti me 26 pikë, një më pak se sa Atalanta, e dyta, dhe gjashtë më pak se lideri Napoli, shkruan KosovaPress.
LEXONI GJITHASHTU:
- Juventus jashtë Champions League, Milan mban të hapur kualifikimin
- Napoli mposht Romën në ‘Olimpico’, fitojnë dhe Juventus e Milan