Trafik ndërkombëtar droge me postë, si u kapën 2 trafikantët në Tiranë

Dy persona janë arrestuar këtë të enjte në kuadër të operacionit policor të koduar “Green mail”, për goditjen e veprimtarisë kriminale të trafikimit të narkotikëve.

Shtetasit A. Gj., 34 vjeç, me precedent të mëparshëm penal për tentativë vrasjeje, dhe H. F., 64 vjeçe, janë kapur në flagrancë në rrugën “Hiqmet Buzi” me një pako me kanabis, me peshë 1 kilogram e 223 gramë.

34-vjeçari e ka siguruar pakon nga Anglia, nëpërmjet postës. Sipas hetimeve, ka rezultuar se 64-vjeçarja, ish-punonjëse e postës, ka marrë në postë, pakon me kanabis në emër të tij.

Në cilësinë e provës materiale, janë sekuestruar  2 pako me lëndë të dyshuar narkotike kanabis, me peshë totale rreth 1.3 kg, si dhe një shumë parash.

LEXONI GJITHASHTU

• Raporti i OKB për drogën: Shqipëria në vend të shtatë në botë për kanabisin
• Shpërndante kanabis në kryeqytet, arrestohet 23-vjeçari
• Zbulohen parcela me kanabis në Shkodër, dy në kërkim