Trafikoi mbi 80 tonë kokainë, Don Mario dënohet me 35 vjet burg në SHBA

Një gjykatë në Nju Jork ka dënuar një udhëheqës famëkeq paraushtarak kolumbian dhe mbret të drogës me 35 vjet burg.

Daniel Rendón Herrera, i njohur më mirë si Don Mario, udhëhoqi grupin paraushtarak të krahut të djathtë Forcat e Bashkuara të vetëmbrojtjes, shkruan BBC.

Grupi, i krijuar fillimisht për të luftuar guerilët e krahut të majtë, u angazhua në rrëmbime, vrasje dhe zhvatje.

Don Mario, 57 vjeç, u kap në një strehë rurale në vitin 2009. Në atë kohë, ai ishte personi më i kërkuar në Kolumbi.

Ai u ekstradua në Shtetet e Bashkuara në vitin 2018 dhe vitin e kaluar u deklarua fajtor për trafikimin e më shumë se 80 tonë kokainë në SHBA.

LEXONI GJITHASHTU:

• Ekstradohet në Francë shqiptari i arrestuar për sulmin terrorist në Nisë
• I dënuar me 21 vite burg, ekstradohet nga Mbretëria e Bashkuar i shumëkërkuari