Tragjedia në SHBA, motrat e aktorit po mbledhin para për kujdestarinë e fëmijëve

Familjarët e Florind Belliut, kanë nisur mbledhjen e fondeve për marrjen e kujdestarisë së 2 fëmijëve të vegjël.

Anisela Zhupani, është personi që po ogranizon një GOFUNDME, i cili synon të grumbullojë një total prej 50 mijë dollarësh.

Brenda 24 orëve janë mbledhur mbi 30 mijë. Paratë thuhet se po mblidhen në emër të 2 motrave të aktorit, që në njoftim pretendohet se jetojnë në Amerikë.

“Ne nuk mund t’ja u rikthejme prindërit, por ju lutem t’i ndihmojme t’i rrisin këta 2 ëngjej që mos ju mungojë gjë dhe të marrin kujdestarinë e femijëve”, thuhet në njoftim.

Kërkesa për mbledhjen e fondeve është përkrahur dhe nga motra e Ornelës, Migena, e cila pak ditë më parë shprehu indinjatën për indiferencën ndaj vdekjes së motrës së saj dhe e quante Belliun personin që pa u shqetësuar për 2 djemtë e mitur, i mori jetën në mënyrë kriminale bashkëshortes 28-vjeçare.

Florind Belliu pak ditë më parë hodhi nga ballkoni gruan shtatzënë, Ornela Shehi dhe më pas veten. Prej kohësh vuante nga probleme të shëndetit mendor. Familjarët kanë njoftuar se do të varroset në Sharrë, të shtunën. Por nuk ka asnjë detaj mbi funeralin e Ornelës.

LEXONI GJITHASHTU

• Kush ishte Florind Belliu, aktori që i dha fund jetës në mënyrë tragjike në SHBA
• ‘E përjetoi shumë keq humbjen e babait’, flet kolegu i aktorit që u vetëvra në SHBA
• Vdes aktori shqiptar me bashkëshorten në Nju Jork, u hodhën nga ndërtesa