Transporti publik kërkon ndihmë nga qeveria, emergjencë për naftën dhe pagat

Transporti publik është në krizë për të përballuar kostot që vijnë nga cmimi i lartë i naftës dhe shpenzimet e tjera. Në këtë situatë, ata i kërkojnë qeverisë të zgjasë kompensimin me një paketë të tretë ndihme.

Shoqata e Transportit kërkon që ndihma që jep qeveria të zgjatet në kohë. Sipas tyre, subvencioni në cmimin e karburantit do ta mbajë cmimin e biletës në nivelet aktuale.

Kërkesa për drejtuesit e qeverisë bëhet në fazën kur paketa e dytë po përfundon dhe cmimi i naftës mbetet i shtrenjtë në treg. Drejtuesit e shoqatave shkruajnë po ashtu se janë përballur me vështrësi këtë vit, që lidhen me veprimtarinë e tyre dhe shërbimin e ofruar; probleme në operim dhe vështirësi në mbajtjen e punëtorëve.

Me këto probleme, ata thonës se kompensimi ka qenë i pamjaftueshëm për të ndikuar në rritjen e cilësisë.

Në letër nuk flitet për protesta, bojkot apo rritje të cmimit të biletës, por parashtrohet kërkesa që qeveria të ulet në tryezë për të dëgjuar ankesat që kanë shoqëritë e transportit.

Qeveria miratoi në dy paketa, vlerën 500 mln lekë për transportin urban dhe ndër-qytetas, duke paguar 100 lekë për çdo litër naftë që harxhohet nga autobusët.

LEXONI GJITHASHTU

• Memaj: Nëse s’ka subvencion nga shteti, rritet çmimi i biletës për transportin urban
• Berisha: Të subvencionohen biletat e transportit urban e interurban
• Këshilli i Bashkisë Vlorë rrit çmimin e biletës për transportin urban