Transporti publik letër qeverisë: Emergjencë me naftën dhe pagat e punonjësve

Shoqata e Transportit kërkojnë që ndihma që jep qeveria të zgjatet në kohë. Sipas tyre, subvencioni në çmimin e karburantit do ta mbajë çmimin e biletës në nivelet aktuale.

Kërkesa për drejtuesit e qeverisë bëhet në fazën kur paketa e dytë po përfundon dhe çmimi i naftës mbetet i shtrenjtë në treg. Drejtuesit e shoqatave shkruajnë po ashtu se janë përballur me vështirësi këtë vit, që lidhen me veprimtarinë e tyre dhe shërbimin e ofruar; probleme në operim dhe vështirësi në mbajtjen e punëtorëve.

Me këto probleme, ata thonë se kompensimi ka qenë i pamjaftueshëm për të ndikuar në rritjen e cilësisë.

Në letër nuk flitet për protesta, bojkot apo rritje të çmimit të biletës, por parashtrohet kërkesa që qeveria të ulet në tryezë për të dëgjuar ankesat që kanë shoqëritë e transportit.

Qeveria miratoi në dy paketa, vlerën 500 mln lekë për transportin urban dhe ndër-qytetas, duke paguar 100 lekë për çdo litër naftë që harxhohet nga autobusët.

LEXONI GJITHASHTU:

• Eksperti rrugor bën thirrje për korsi të dedikuara për urbanët
• Urbanët në dorë të bashkisë, qytetarët kërkojnë mbrojtje ndaj rritjes së çmimit