Tregjet e aksioneve në rënie, Trump paralajmëron për sfidat e ekonomisë

Tregjet financiare amerikane panë një rënie të ndjeshme të hënën, duke u nxitur nga shqetësimet për ndikimin e luftës tregtare në ekonominë më të madhe të botës.

Shqetësimet për recesionin kanë pasuar gjithashtu rënien e aksioneve të disa prej kompanive më të mëdha. Nasdaq u mbyt me 4.0% në mbyllje të tregtimit dhe pati humbje të mëdha në tregjet e tjera. Aksionet e Tesla ranë rreth 15.4%, ndërsa prodhuesi i çipave Nvidia ra më shumë se 5%.

Rënia pasoi komentet e Presidentit Donald Trump, i cili vuri në dyshim nëse ekonomia amerikane po përballej me recesion ose rritje të çmimeve si pasojë e tarifave të larta.

Megjithatë, Sekretari i Tregtisë, Howard Lutnick, mbrojti qëndrimin e administratës, duke theksuar se SHBA nuk do të kalonte në tkurrje, përkundrazi, ai pranoi se çmimi i disa mallrave mund të rritej. Investitorët janë të shqetësuar se tarifat mund të çojnë në rritjen e çmimeve dhe të dëmtojnë rritjen ekonomike. Rachel Winter, menaxhere e investimeve në Killik & Co, parashikoi se politika e tarifave mund të shkaktojë inflacion afatgjatë.

Ekonomisti Mohamed El-Erian theksoi se investitorët ishin optimistë në lidhje me planet e Trump për uljen e taksave dhe de-rregullimin, por tani po i përshtaten realitetit të luftës tregtare, e cila po dëmton besimin dhe mund të ndikojë negativisht në rritjen ekonomike. Aksionet evropiane gjithashtu u mbyllën më poshtë, me indekset e Francës, Britanisë dhe Gjermanisë që ra përkatësisht me 0.9% dhe 1.75%.

Trump, në një intervistë të fundit, pranoi pasigurinë në tregje dhe foli për një “periudhë tranzicioni”, duke theksuar se proceset ekonomike të ndihmuara nga administrata kërkojnë kohë për t’u realizuar.

LEXONI GITHASHTU:

• Trump e përsërit krahasimin me Elvis Presley: Çfarë mendoni për këtë foto
• Presidenti i Sirisë konfirmon vdekjen e 200 trupave gjatë përleshjeve