Tregtonin mallra kontrabandë, procedohen 3 person në Sarandë, 1 në kërkim

Gjatë operacionit janë ushtruar kontrolle në disa subjekte tregtare, bazuar në inteligjencën policore, për evidentimin e rasteve të tregtimit të mallrave/produkteve të kontrabanduara, me qëllim ndëshkimin ligjor të shtetasve që ushtrojnë këtë veprimtari të paligjshme, policia ka evidentuar 3 subjekte në të cilat tregtoheshin mallra të kontrabanduara.

Për këtë arsye do të ndiqen penalisht 3 persona F. H., 49 vjeçe, Ll. Zh., 55 vjeç dhe A. Zh., 53 vjeç, të tre banues në Sarandë, ndërsa një tjetër A. H., 42 vjeç, banues në Sarandë, është shpallur në kërkim pasi fshihnin të ardhurat e përfituara nga tregtimi i këtyre mallrave.

Ndërsa në njërin nga subjektet, mallrat tregtoheshin nga punonjës të pasiguruar.

Njoftimi i policisë

Specialistët e Seksionit për Hetimin e Krimeve Ekonomike dhe Financiare të Komisariatit të Policisë Sarandë, bazuar në informacionet e siguruara nga inteligjenca policore për disa raste të tregtimit të mallrave të kontrabanduara, kanë organizuar operacionin policor të koduar “Skema”, për evidentimin dhe goditjen e këtyre rasteve.

Si rezultat janë evidentuar 3 subjekte tregtare në të cilat tregtoheshin mallra të dyshuara të kontrabanduara.

Në vijim të veprimeve për këto raste, janë referuar materialet në Prokurori dhe ka nisur procedimi penal në gjendje të lirë për shtetasit:

1. H., 49 vjeçe, Ll. Zh., 55 vjeç dhe A. Zh., 53 vjeç, të tre banues në Sarandë.

Gjatë kontrolleve në subjektet e këtyre shtetasve, janë gjetur rreth 1340 mallra dhe produkte të ndryshme, të dyshuara të kontrabanduara, të cilat u sekuestruan në cilësinë e provës materiale.

Gjithashtu, është shpallur në kërkim shtetasi A. H., 42 vjeç, banues në Sarandë, bashkëpunëtor i shtetases F. H. Nga verifikimet rezultoi se në subjektin e këtyre dy shtetasve mallrat tregtoheshin nga punonjës të pasiguruar.

Materialet procedurale për këto raste janë referuar në Prokurori, për veprime të mëtejshme.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• Prishën qetësinë publike, procedohet pronari i një lokali dhe 3 muzikantë
• U shkarkua si Ministër i Brendshëm, reagon Bledi Çuçi