Tri organizata të ndihmës rinisin punën në Afganistan

Të paktën tri agjenci ndërkombëtare të ndihmës kanë rinisur në mënyrë të pjesshme punën në Afganistan, pas sigurive të autoriteteve talibane se gratë afgane mund të punojnë në sektorin e shëndetësisë.

Qindra organizata joqeveritare kanë qenë instrumentale në përpjekjet për të adresuar një prej krizave më të rënda humanitare në botë, pasi gjysma e popullsisë prej 38 milionë banorësh e Afganistanit përballet me varfëri dhe 3 milionë fëmijë janë të rrezikuar nga kequshqyerja.

Organizatat CARE, Save the Children dhe International Rescue Committee (IRC) kishin pezulluar operacionet e tyre në dhjetorin e vitit të kaluar, në shenjë proteste me vendimin e autoriteteve në Afganistan që ndaluan gratë të punojnë për organizatat e ndihmës.

LEXONI GJITHASHTU:

• Talebanët prezantojnë supermakinën e prodhuar në Afganistan
• Të shtëna me armë brenda hotelit në Afganistan, tre të vrarë