‘Trump do t’i japë fund luftës’-Zelensky: Si ndryshojnë gjërat me administratën e re
Presidenti ukrainas ka shprehur bindjen se lufta me Rusinë do të përfundojë më shpejt pasi Donald Trump të marrë detyrën si president i Shteteve të Bashkuara.
Volodymyr Zelensky ka deklaruar se ka pasur një “shkëmbim konstruktiv” të pikëpamjeve me Trump gjatë një bisede telefonike të zhvilluar me të pas fitores në zgjedhjet presidenciale.
Ai nuk ka thënë nëse Trump kishte bërë kërkesa lidhur me bisedimet e mundshme me Rusinë, por ka theksuar se gjatë bisedës nuk kishte dëgjuar asnjë kundër pozicionit të Kievit.
Trump ka deklaruar vazhdimisht se prioriteti i tij do të jetë fundi i luftës dhe ndalja e asaj që e ka quajtur “përtharja e të ardhurave amerikane” nga ndihma për Ukrainën.
“Është e sigurt se lufta do të marrë fund me politikat që do të ndjekë ekipi i ri që do të drejtojë Shtëpinë e Bardhë. Kjo është qasja e tyre, premtimi i tyre për qytetarët”, ka deklaruar Zelensky në një intervistë për organin mediatik ukrainas “Suspilne”.
Ai ka shtuar se Ukraina duhet të bëjë gjithçka që ky konflikt të përfundojë vitin e ardhshëm, përmes mjeteve diplomatike.
“Aktualisht situata në terren është e vështirë, pasi forcat ruse po avancojnë”, ka thënë më tej Zelensky, duke shtuar se ligji amerikan i lejon atij të takohet me Trump vetëm pas marrjes së detyrës më 20 janar.
Trump dhe Zelensky kanë pasur një marrëdhënie të gjatë dhe të trazuar. Në vitin 2019, presidenti i rizgjedhur u inkriminua për akuzat se i kishte bërë presion liderit ukrainas për të nxjerrë informacione që do të dëmtonin familjen Biden.
Por pavarësisht diferencës së moshës, Trump ka insistuar se ka një marrëdhënie të mirë me Zelenskyn. Kur dyshja u takua në shtator në Nju Jork, miliarderi i pasurive të patundshme tha se kishte mësuar shumë nga takimi dhe se do ta zgjidhte konfliktin shumë shpejt.
LEXONI GJITHASHTU:
Kryefaqja
Tërmetet në Venezuelë, rritet në 1,450 numri i viktimave. 3,150 persona janë plagosur
Tentoi t’i arratisej policisë, shoferi përplaset me makinën që priste në semafor. 2 të vdekur dhe 1 i plagosur në Barcelonë
Trump kontrollon projektet e rinovimit në Uashington
- 23:00 Begaj takohet me homologun polak: Integrimi i Shqipërisë në BE është domosdoshmëri gjeopolitike
- 22:09 Iranianë në protestë, Softa: Shërbimi sekret do kishte ndërhyrë nëse do të shfaqnin rrezikshmëri
- 21:49 Lulzim Zeqa rrëfen rolin e Jagos te “Otello”: Ambicia e shndërroi në një manipulator të pamëshirshëm
- 21:44 LIVE- Dita e 29-të e protestës, qytetarët nisin marshimin në rrugët e Tiranës
- 21:36 Qiraxhi ndaj detaje: Tentativa për grup drejtues dhe Kuvend janë të dëmshme për protestën
- 21:28 Mes flamingove dhe protestuesve, i riu i ulet në gjunjë të dashurës dhe i propozon për martesë (VIDEO)