Trump: Duam të flasim me Iranin, por nuk kemi me kë

Presidenti amerikan, Donald Trump ka deklaruar se SHBA-të po ia dalin mbanë jashtëzakonisht mirë në Iran. Sipas tij Irani nuk ka më marinë dhe se 58 anije janë rrëzuar brenda dy ditësh. Trump ndër të tjera ka deklaruar SHBA-të kanë marinën më të madhe kudo në botë.

“Po shkojmë shumë mirë”, tha ai, duke shtuar se SHBA-të nuk do ta lejojnë Iranin të ketë armë bërthamore sepse sipas tij nëse ata do t’i kishin, do t’i përdornin.

Trump shtoi se askush nuk dëshiron të jetë më udhëheqës atje ndërsa theksoi se SHBA kërkon të flasë me Iranin por sipas tij nuk kanë me kë të negociojnë.

“Ne duam të flasim me ta, por nuk kemi me kë të flasim”, tha ai.

Trump tha gjithashtu se Irani donte të pushtonte Lindjen e Mesme dhe se SHBA-të duhej ta ndalonin këtë.