Trump ftesë Putin të takohen në Turqi për marëveshjen e paqes: Kjo është një mundësi

Gjatë udhëtimi nga Riadi drejt Dohas, Presidenti i Shteteve të Bashkuara, Donald Trump, ka deklaruar se është i gatshëm të marrë pjesë në bisedimet e paqes për konfliktin në Ukrainë që do të mbahen në Turqi, nëse edhe Presidenti rus Vladimir Putin pranon të marrë pjesë.

“E di që Putin do të donte që unë të isha atje dhe kjo është një mundësi. Nëse do të mund ta përfundonim luftën, do ta mendoja seriozisht këtë,” u shpreh Trump për gazetarët gjatë fluturimit.

I pyetur nëse është i informuar për pjesëmarrjen e homologut rus, Trump shtoi: “Nuk e di nëse ai do të merrte pjesë nëse unë nuk jam atje.”

Ndërkohë, një zyrtar amerikan ka konfirmuar se Sekretari i Shtetit, Marco Rubio, do të përfaqësojë Shtetet e Bashkuara në takimin e nesërm në Turqi, i cili pritet të sjellë në tryezë përfaqësues të nivelit të lartë nga Rusia, Ukraina dhe ndërmjetës ndërkombëtarë.

Bisedimet e Turqisë janë cilësuar si një përpjekje e re për të çuar përpara procesin e një marrëveshjeje paqeje në Ukrainë. Pjesëmarrja e Trump dhe e Putinit në këtë takim do të përfaqësonte një zhvillim të rëndësishëm diplomatik me ndikim të drejtpërdrejtë në të ardhmen e konfliktit.

LEXONI GJITHASHTU:

• Zbardhen “5 urdhërat” që Trump i dha presidentit të përkohshëm të Sirisë
• Trump dhe princi i Arabisë Saudite nënshkruajnë marrëveshje partneriteti strategjik
• Diplomatët perëndimorë diskutojnë armëpushimin pas ofertës së papritur të Trumpit