Trump i jep Iranit afat 2-mujor për të arritur marrëveshjen e re bërthamore

Presidenti amerikan Donald Trump, në një letër drejtuar liderit suprem të Iranit, Ayatollah Ali Khamenei, duke propozuar negociata për një marrëveshje të re bërthamore, e bëri të qartë se Irani ka një afat prej dy muajsh për të arritur një marrëveshje, tha një burim i njohur me përmbajtjen e letrës për CNN.

Direktiva vjen pasi Trump ka thënë se do të dëshironte të arrinte një marrëveshje me Iranin për të fituar më shumë kontroll mbi aftësitë e tyre bërthamore.

I dërguari i Trump për Lindjen e Mesme, Steve Witkoff, ia dorëzoi letrën presidentit të Emirateve të Bashkuara Arabe, Mohammed bin Zayed Al Nahyan, ndërsa ai ishte në Abu Dhabi javën e kaluar, tha burimi. Emiratet e Bashkuara Arabe më vonë ua dhanë letrën iranianëve.

“Presidenti Trump ia bëri të qartë Ayatollah Khameneit se ai dëshironte të zgjidhte mosmarrëveshjen mbi programin bërthamor të Iranit në mënyrë diplomatike – dhe shumë shpejt – dhe nëse kjo nuk ishte e mundur, do të kishte mënyra të tjera për të zgjidhur mosmarrëveshjen”, tha një zëdhënës i Këshillit të Sigurisë Kombëtare Brian Hughes në një deklaratë për CNN.

LEXONI GJITHASHTU:

• Trump bisedë telefonike me Zelenskyn: Jemi në rrugën e duhur
• Pas bisedës Putin-Trump, Rusia dhe Ukraina bëjnë shkëmbimin më të madh të robërve