Trump: Izraeli duhet të godasë objektet bërthamore të Iranit

Donald Trump ka deklaruar se Izraeli duhet të godasë objektet bërthamore të Iranit si një kundërpërgjigje ndaj sulmit të fundit me raketa nga Teherani. Gjatë një aktiviteti të fushatës republikane në Karolinën e Veriut, Trump kritikoi presidentin Joe Biden, i cili ka deklaruar se nuk do të mbështesë një përgjigje që përfshin goditjen e objekteve bërthamore iraniane.

Biden në deklaratata e tij ishte i prerë se Izraeli në kundërpërgjigjen e tij nuk duhet të godasë fushat e naftës dhe centralet bërthamore të iranit

“Po të isha në vendin e tyre, do të mendoja për alternativa të tjera, në vend të rezervave të naftës”, deklaroi sërish ditën e premte Biden.

Kryeministri izraelit, Benjamin Netanyahu, është zotuar se Izraeli do t’i përgjigjet sulmeve iraniane, pas një episodi ku rreth 180 raketa u lëshuan në drejtim të Izraelit. Tensionet në rritje mes Izraelit dhe Iranit përbëjnë një kërcënim serioz për stabilitetin në rajon, dhe shumë liderë, përfshirë Trump, kanë theksuar nevojën për një reagim të fortë nga ana e izraelit.

LEXONI GJITHASHTU:

• Biden mbështet sërish Izraelin: Ka të drejtë të reagojë ndaj sulmeve
• Izraeli sulm masiv në Bejrut, objektiv pasardhësi i Nasrallah: Sdihet gjendja e tij