Trump kritikon Biden për vendin ku ishte ulur në funeralin e mbretëreshës

Ish-presidenti amerikan Donald Trump kritikoi Joe Biden pasi ai u ul në rreshtin e 14-të në funeralin e Mbretëreshës Elizabeth II, duke komentuar se ishte i rrethuar nga liderë të vendeve të botës së tretë.

Nëse do të isha president, ata do të më vendosnin para, tha Trump.

Joe Biden u ul në rreshtin 14, rreshti i 7-tw nga mbrapa, në funeralin e Mbretëreshës në Westminster Abbey. Me atë rast, Trump publikoi një foto të liderëve të mbledhur me një shigjetë të kuqe që tregon Biden në rrjetin e tij social Truth Social.

Ai pretendon se nëse do të ishte ende president, do të ulej në pjesën e përparme dhe se rregullimi aktual i vendeve është një tregues i vlerësimit të miratimit të SHBA-së, i cili ai beson se ka rënë që kur Biden u bë president.

“Kjo i ka ndodhur Amerikës në vetëm dy vite të shkurtra. Nuk ka asnjë respekt,” tha Trump.

Joe Biden dhe Zonja e Parë Jill u ulën pranë Presidentit të Zvicrës, përballë tyre ishte presidenti i Polonisë dhe pas tyre ishte kryeministri i Çekisë. Përfaqësuesi kinez ishte në të njëjtin rresht me Biden.

Nuk është e qartë se kujt i referohej Trump kur tha “liderët e botës së tretë”.

LEXONI GJITHASHTU:

• Trump drejt inkriminimit, prokurorët refuzojnë marrëveshjen