Trump po punon për armëpushim në Gaza: Së shpejti lirohen 10 pengje të tjera
Presidenti amerikan Donald Trump ka deklaruar të premten nga Shtëpia e Bardhë se 10 pengje të tjera izraelite në Gaza do të lirohen së shpejti, ndërsa ai vazhdon përpjekjet për të arritur një armëpushim 60-ditor mes Izraelit dhe Hamasit.
“Ne i morëm shumicën e pengjeve. Do të kemi edhe lirimin e 10 të tjerëve dhe shpresojmë ta kemi përfunduar këtë që kemi nisur”, tha Trump gjatë një darke me senatorë republikanë.
Sipas marrëveshjes aktuale që po diskutohet, Hamas do të lirojë 10 pengje dhe do të dorëzojë 18 të tjerë, ndërsa Izraeli do të lirojë një numër të papërcaktuar të të burgosurve palestinezë.
Ndërkohë, sipas një raportimi të Axios, drejtori i Mossad-it, David Barnea, i cili ka vizituar këtë javë Uashingtonin për të kërkuar mbështetje amerikane në zhvendosjen e qindra palestinezëve nga Gaza, i ka thënë Witkoff-it, të dërguarit në Lindjen e Mesme, se Izraeli ka diskutuar opsione për zhvendosjen e palestinezëve në vende si Etiopia, Indonezia dhe Libia.
Trump është shprehur optimist për arritjen e një marrëveshjeje që nga 1 korriku, kur ai postoi në platformën e tij të mediave sociale se Izraeli ka rënë dakord për “kushtet e nevojshme” për të finalizuar një armëpushim 60-ditor.
Javën e kaluar, kryeministri izraelit Benjamin Netanyahu e vizitoi Shtëpinë e Bardhë dhe i dorëzoi Trump një kopje të një letre që ai kishte dërguar Komitetit të Nobelit, duke e nominuar atë për Çmimin Nobel për Paqe.
Po atë javë, zyrtarët e Katarit ndërmjetësuan bisedime indirekte mes Izraelit dhe Hamasit, në përpjekje për të arritur një marrëveshje armëpushimi.
Ndërkohë, një zëdhënës i krahut të armatosur të Hamasit tha për Reuters se grupi është i hapur për një armëpushim të përkohshëm, por mund të rikthehet te kërkesa për një marrëveshje të plotë nëse nuk arrihet zgjidhja gjatë negociatave aktuale.
LEXONI GJITHASHTU:
Kryefaqja
Presidenti i Bjellorusisë, Lukashenko niset drejt Moskës, takim me Putinin
Barcelona drejt rritjes së taksës për kroçerat, nga 11 euro në afro 30 euro në ditë
Iranianët në vështirësi për ta siguruar bukën e gojës teksa çmimet vazhdojnë të rriten
- 16:08 Fëmijë shqiptarë nga rajoni i Kumanovës mund të mbesin pa shkollë fillore
- 16:01 Në Prishtinë shënohet përvjetori i Betejës së Kosovës
- 15:50 Konfederata Evropiane e Sindikatave kërkon ligj që përcakton temperaturën maksimale për të punuar
- 15:43 Prodhimi i energjisë elektrike u rrit 43% në maj, HEC-ET mbajtën peshën kryesore
- 15:40 40 mijë kërkesa, shtyhet edhe 10 ditë afati i aplikimeve për subvencionet e fermerëve
- 15:35 Gjykata e Lartë lë në fuqi dënimin me 1 vit burg për Edison Memollën