Trump: Putin ka pranuar ftesën për t’u bashkuar me Bordin e Paqes për Gazën

Presidenti Donald Trump tha të mërkurën se Presidenti rus Vladimir Putin ka rënë dakord t’i bashkohet Bordit të Paqes të propozuar prej tij , një organ që synon të mbikëqyrë rindërtimin e Gazës.

“Sepse i duam të gjithë. I duam të gjitha kombet. I duam të gjitha kombet ku njerëzit kanë kontroll, njerëzit kanë pushtet, në këtë mënyrë nuk do të kemi kurrë problem. Ky është bordi më i madh i mbledhur ndonjëherë”, tha Trump kur u pyet nga CNN se pse do ta ftonte Putinin.

Presidenti pranoi se kjo do të ishte e diskutueshme.

‘Po, kam disa njerëz kontroversë në të, por këta janë njerëz që e kryejnë punën’, shtoi ai.

“Pra, ai u ftua. Ai e pranoi”, tha Trump.

Në një takim të Këshillit të Sigurisë Ruse të mërkurën, Presidenti Vladimir Putin nuk u zotua të bashkohej me Bordin e Paqes, por tha se Ministria e tij e Jashtme do të “studionte dokumentet” dhe do të “konsultohej me partnerët tanë strategjikë”. Ai gjithashtu foli për përdorimin e aseteve ruse të ngrira në SHBA për të paguar tarifën prej 1 miliard dollarësh për një vend të përhershëm dhe për rindërtimin e mëtejshëm të Gazës.