Trump shqyrton pezullimin e të drejtës për të kundërshtuar paraburgimin

Administrata e Presidentit Donald Trump ka njoftuar se po “shqyrton në mënyrë aktive” mundësinë e pezullimit të habeas corpus, të drejtës që një individ të kundërshtojë ndalimin e tij në gjykatë, një hap që do të kishte pasoja të mëdha për sistemin ligjor amerikan.

Stephen Miller, zëvendësshefi i stafit të Shtëpisë së Bardhë, tha se Kushtetuta e SHBA-së lejon pezullimin e lirisë ligjore vetëm në raste të “rebelimit ose pushtimit”.

Këto komente erdhën ndërkohë që administrata Trump është përpjekur të zbatojë një seri masash të ashpra për të luftuar imigracionin e paligjshëm, përfshirë ndalimet e fundit për largimin e studentëve të huaj që janë përfshirë në veprimtari politike kundër politikave të administratës. Miller theksoi se shumë nga këto masa varen nga vendimet që do të marrin gjykatat, duke u shprehur se “shumë varet nëse gjykatat bëjnë gjënë e duhur apo jo”.

Ky hap mund të krijojë një tension të madh mes administratës dhe sistemit gjyqësor amerikan, duke shkaktuar debate mbi kufizimin e të drejtave individuale dhe ndikimin që një veprim i tillë mund të ketë mbi imigrantët dhe aktivistët që kundërshtojnë politikën e Trump.