Trump takohet me presidentin e Kolumbisë, Shtëpia e Bardhë ndan pamje nga Zyra Ovale
Presidenti i SHBA-së, Donald Trump dhe homologu i tij kolumbian, Gustavo Petro u takuan për herë të parë këtë të martë. Takimi ka ardhur pasi dy presidentët nuk kursyen akuza ndaj njëri tjetrit.
Presidenti i SHBA-së nuk i ftoi gazetarët në Zyrën Ovale për diskutimin me Petron. Shtëpia e Bardhë përmes një postimi ka ndarë dy foto në platformën X.
Në takim morën pjesë edhe zëvendëspresidenti i SHBA-së J. D. Vance , sekretari i shtetit i SHBA-së Marco Rubio dhe ministrat kolumbianë të Mbrojtjes dhe Punëve të Jashtme, Pedro Sanchez dhe Rosa Villavicencio .
Nuk është publikuar asnjë informacion në lidhje me kohëzgjatjen e bisedimeve. Takimi i sotëm pritej të përqendrohej në trafikun e drogës. Kolumbia është prodhuesi më i madh i kokainës në botë dhe Shtetet e Bashkuara janë konsumatori më i madh.
Për vite me radhë, Uashingtoni ka financuar forcat kolumbiane të sigurisë dhe agjencitë e inteligjencës me miliarda dollarë për të luftuar tregtinë e drogës. Që kur Gustavo Petro mori pushtetin, prodhimi dhe eksportet e kokainës janë rritur. Në vitin 2025, Shtetet e Bashkuara e hoqën Kolumbinë nga lista e saj e “aleatëve” në luftën kundër drogës.
Kryefaqja
Iraku cakton 30 shtatorin si afat për grupet pro-iraniane që të çarmatosen
Holanda: Rusia pas përfundimit të luftës në Ukrainë, mund të sulmojë NATO-n
Pas 4 muajsh nga fillimi i luftës, një aeroplan fluturon nga Irani në Emiratet e Bashkuara Arabe
- 16:37 Iraku cakton 30 shtatorin si afat për grupet pro-iraniane që të çarmatosen
- 16:29 Holanda: Rusia pas përfundimit të luftës në Ukrainë, mund të sulmojë NATO-n
- 16:27 Evropa nën pushtetin e të nxehtit, automjetet e policisë hedhin ujë mbi qytetarët në Gjermani
- 16:26 Pas 4 muajsh nga fillimi i luftës, një aeroplan fluturon nga Irani në Emiratet e Bashkuara Arabe
- 16:21 Sot dita e 30-të e protestës në Tiranë, policia procedon penalisht 31 protestues
- 16:20 Enzo Maresca, pasardhës i Pep Guardiolës te Manchester City