Trump transmeton sheqetësim për “lajka ndaj autoritarizmit” e quan Xi-n: Një udhëheqës i shkëlqyer, e kam nder të jem miku juaj

Në fjalën e tij hapëse, Trump tha se është “një nder” që takohet me Xi sot.

“Ne jemi marrë vesh, kur ka pasur vështirësi e kemi zgjidhur. Unë të telefonoja ty dhe ti më telefonoje mua”, thotë Trump.

“Njerëzit nuk e dinë, sa herë që kemi pasur një problem e kemi zgjidhur shumë shpejt.”

“Ua them të gjithëve, ju jeni një udhëheqës i shkëlqyer”, thotë Trump.

Presidenti amerikan tha se ka sjellë me vete në këtë udhëtim “udhëheqësit më të mirë të biznesit në botë”.

“Vetëm njerëzit më të lartë këtu sot për t’ju shprehur respektin”, thotë ai.

Trump shton se disa njerëz e kanë quajtur këtë “samitin më të madh ndonjëherë” dhe se ai mezi pret diskutimet e tyre.

“Është një nder të jem me ju, është një nder të jem miku juaj”, thotë ai, duke shtuar se marrëdhëniet SHBA-Kinë do të jenë “më të mira se kurrë më parë”.

Deklaratat e Trump janë komentuar si shqetësuese dhe si një vlerësim i gabuar ndaj autoritarizmit të liderit kinez.