“Trump u qëllua se nuk e mposhtin dot me vota”- Flet kandidati i tij Marko Kepi

Kandidati shqiptar për senator në SHBA, Marko Kepi, është shprehur se atentati ndaj Donald Trump ishte i organizuar nga e majta e Presidentit Joe Biden.

Komentet Kepi i bëri në një lidhje për emisionin “Good Morning Albanians” në Euronews, ku tha se të gjithë amerikanët besojnë se atentati ndaj Trump u organizua nga e majta.

Ai tha gjithashtu se e majta në SHBA ka dy vite që po përpiqet me çdo mënyrë, përfshi edhe proceset gjyqësore, për ta eleminuar Donald Trump, por sipas tij, nuk po ja dalin.

“Gjendja e Trump është shumë e mirë dhe para disa orësh ka lajmëruar se do të shkojë në Konventën e Republikanëve që do të mbahet sot, pra nuk e ka anuluar konventën. Ka deklaruar që atentati nuk mund t’i ndalë rrugën për në konventë. E majta në çdo vend të botës ka përdorur dhunën për të ardhur në pushtet.

I kanë përdorur të gjitha format për ta ndalur Trump, me gjyqe, me vota, me sondazhe dhe nuk po arrijnë ta mundin. Kjo është e vetmja mënyrë që i ka mbëtur atyre për ta eleminuar. Pra e vetmja mënyrë që i ka mbetur është eleminimi fizik.

Fatkeqësisht ka shumë individë që mendojnë në gjë të tillë. Patjetër që është atentat nga e majta, e gjithë Amerika mendon të njëjtën gjë. Për dy vite e majta ka përdorur çdo lloj fjalori dhe atentati për ta eleminuar Trump. E kanë ushqyer edhe bazën e tyre për të bërë diçka negative, diçka fizike kundër tij”, tha Kepi.

LEXONI GJITHASHTU:

• Melania Trump thyen heshtjen, e quan atentatorin e bashkëshortit të saj një monstër
• Fotoja perfekte, kapi plumbin vetëm pak cm larg Donald Trump