Ndiheni të lodhur, të stresuar, nuk gjeni forcë për të përballuar gjërat? Ju po kaloni një lodhje mendore.

Në emisionin e radhës në “Enigmat e Hipokratit”, do t’ju njohim pikërisht me këtë shqetësim, çfarë e shkakton atë.

Mjeku Genc Çakshiri, do të na japë këshillat e duhura se si mund të menaxhojmë, por dhe ta shmangim lodhjen mendore.

Për ta bërë sa me të qartë dhe më të prekshme këtë sëmundje, një qytetare do të rrëfejë ekskluzivisht për “Enigmat e Hipokratit”, sesi arriti ta kuptojë se po përjetonte lodhje mendore.

Por sa të lehtë e kanë qytetarët të kërkojnë ndihmë kur e kuptojnë se stresi po i “menaxhon” jetën?

Psikiatri Nel Demi do të na rrëfejë më tepër mbi terapitë që zhvillohen dhe cilët janë më të predispozuar për t’u prekur nga lodhja mendore.

Për këdo që mund të jetë duke kaluar një situatë të tillë, emisioni “Enigmat e Hipokratit” do ta ketë në fokus për këtë të shtunë, vetëm në Euronews Albania.

LEXONI GJITHASHTU:

• Nishanet që kërcënojnë jetë, si mund t’i trajtojmë?
• Lindje në kohë pandemie, nënat dhe baballarët festojnë të ndarë