Tubimi i VV-së, ministri i Shëndetësisë: Grumbullimi mund të shndërrohet në superngjarje të përhapjes së COVID-19

Ministri i Shëndetësisë, Armend Zemaj, ka reaguar ndaj tubimit të Lëvizjes Vetëvendosje, duke thënë se ngjarje të tilla në numra të mëdhenj personash të grumbulluar mund të shndërrohen në superngjarje të përhapjes së COVID-19.

Përmes një postimi në Facebook, z. Zemaj shprehet se injorimi i këshillave të mjekëve dhe ekspertëve shëndetësorë është akt i rrezikshëm, teksa e krahason tubimin e Vetëvendosjes, me ndeshjen e 19 shkurtit mes Atalanta-Valencia ku mendohet se u infektuan me COVID-19 mijëra tifozë.

“Pardje, miqtë tanë të ambasadës së SHBA-ve dhanë paralajmërimin se: ‘Tubimet në numra të mëdhenj mund të shndërrohen në super-ngjarje të përhapjes së COVID-19’. Njëjtë e thonë çdo ditë dhe mjekët tanë dhe Instituti Kombëtar i Shëndetësisë Publike të Kosovës/ IKSHPK. Virusi transmetohet nga njëri tek tjetri. Nëse organizohen tubime të qytetarëve, do të ishte pretekst të shkaktohej një dergje e madhe nga virusi.

Dashtë Zoti të mos përsëritet rasti i 19 shkurtit që ndodhi në stadiumin San Siro në Milano të Italisë, ku u infektuan me coronavirus 40.000 tifozët, si rezultat i kontakteve në mes tyre, të cilët e kishin ndjekur ndeshjen e futbollit Atalanta-Valencia.