Turisti polak nxirret me fraktura nga kanionet e Gjipesë

Një turist polak i rrëzuar në humnerë është shpëtuar pas një operacioni të rrezikshëm në kanionet e Gjipesë.

Me gjithë angazhimin e policisë, repartit Delta Force, zjarrfikësve dhe helikopterit nga ajri, një rol kyç në operacionin e shpëtimit ka pasur alpinisti nga Kosta Xhaho, i cili ka realizuar edhe tërheqjen e 24-vjeçarit nga thellësia e kanioneve ku kishte rënë.

Anxhei Pistek, tregon se është rrezuar rreth orës 13.00 dhe ka lajmëruar edhe sallën operative.

Vetëm rreth orës 16:00, ai ka mundur të dëgjojë zëra njerëzish, ndërkohë që helikopteri fluturonte sipër kokës, por pa mundur që ta shikonte për shkak të terrenit.

Me fraktura të shumta dhe këmbë të thyer, turisti Pistek është dërguar për ndihmë mjekësore në Spitalin e Vlorës, ku është jashtë rrezikut për jetën.

Pas falënderimeve për të gjithë ata që ndihmuan në shpëtimin e tij, Pistek tregon se do të kthehet sërish për të vizituar Shqipërinë, e cila i pëlqen shumë.