‘Turp!’ reagojnë anglezët pasi Churchill vishet me flamur shqiptar në mes të Londrës

Gjatë protestës së sotme, disa protestues shqiptarë kanë mbështjellë me flamur shqiptar statujën e Uinston Churchillit mes thirrjeve se shqiptarët po ‘pushtojnë’ Anglinë.

Kjo ka shkaktuar reagime të shumta përfshi të një prej personazheve kryesore të televizoneve britanike dhe ish-deputetin europian z. Nigel Farage i cili e ka quajtur të turpshëm dhe skandaloz jo vetëm gjestin por të gjithë demonstratën.

Shqiptarët mbuluan sot flamurin e tyre mbi statujën e Winston Churchill në Sheshin e Parlamentit teksa protestuan kundër deklaratave të Suella Braverman.

Mijëra njerëz u mblodhën në urën Westminster dhe marshuan drejt Pallatit të Westminsterit duke i kërkuar qeverisë t’i respektojë ata si njerëz dhe të drejtat e tyre njerëzore, duke thënë se jo të gjithë shqiptarët janë kriminelë, shkruan Daily Mail.

Nigel Farage e kritikoi demonstrimin duke postuar në Twitter: “Këtyre njerëzve nuk u bëhet vonë fare për vendin tonë e as për sakrificat e të shkuarës! Kjo që po ndodh sot në Londër është e turpshme!’

These people care nothing for our country or the sacrifices of the past. What is happening in London today is a disgrace! pic.twitter.com/4UTdADEPn7

— Nigel Farage (@Nigel_Farage) November 12, 2022

Më pas ai shkruan: “Sot është fundjava përkujtimore në Londër dhe shqiptarët na kanë pushtuar Urën Uestminister për një protestë. Kjo është ajo që na kanë bërë politikanët tanë.”

Sekretarja e Brendshme u kritikua nga partitë opozitare dhe disa nga ana e saj për gjuhën e ashpër që përdori në Parlament në fillim të këtij muaji.

Ajo sugjeroi se vetëm konservatorët ishin ‘seriozë për ndalimin e pushtimit në bregdetin tonë jugor’.

Shqiptarët përbëjnë 12 000 nga 40 mijë emigrantët që kanë mbërritur në Britaninë e Madhe këtë vit.

Këtë javë u zbulua se Home Office deportoi 350 persona në tetor, më shumë se 100 prej të cilëve ishin shtetas shqiptarë.

LEXONI GJITHASHTU: