Qindra protestues janë mbledhur jashtë konsullatës ruse në Stamboll të dielën, duke bërë thirrje për t’i dhënë fund sa më parë bombardimeve ajrore dhe tokësore të forcave qeveritare siriane në provincën lindore të Idlibit.

Policia turke nuk i ka lejuar protestuesit të afrohen tek konsullata ruse, por lejoi një grup prej tyre të vendosnin një banderolë ku shkruhej: “Mbi 30 mijë fëmijë të vrarë nga Rusia dhe regjimi Assadit”.

Që nga mesi i dhjetorit, forcat e qeverisë siriane dhe aleatët e tyre nga Rusia kanë shtuar sulmet në Sirinë verilindore. Në vetëm dy javë 230 mijë njerëz janë zhvendosur nga vendbanimet e tyre.

OKB-ja ka paralajmëruar për rreziqet e një krize humanitare përgjatë kufirit turk, teksa njerëzit vazhdojnë të largohen nga zonat në konflikt.

Për shkak të një vale të fundit refugjatësh sirianë në kufirin turk, Turqia ka nisur një delegacion në Moskë për të arritur një marrëveshje armëpushimi.