Turqia kërcënon Greqinë: Pasoja serioze po u zgjeruat qoftë dhe 1 milje në det

Ibrahim Kalin, zëdhënësi i presidentit turk Rexhep Tajip Erdogan dhe këshilltari kryesor i tij për politikën e jashtme, ka paralajmëruar Greqinë për “pasoja serioze” nëse zgjeron ujërat e saj territoriale në 12 milje detare rreth Kretës.

Në një intervistë të dhënë për televizionin NTV, të martën vonë, Kalin, nënvizoi se Turqia nuk do të pranojë zgjerimin qoftë edhe me 1 milje të Greqisë në detin Jon.

“Turqia nuk do të pranojë asnjë zgjatje, qoftë edhe për një milje të vetme,” tha Kalin, duke shtuar se nëse Greqia vendos të bëjë një lëvizje të tillë, Turqia do të “sigurojë një përgjigje të fuqishme”.

Kalin, megjithatë, nuk tha se një zgjerim i ujërave territoriale do të shihej si një rast që justifikonte veprimet ushtarake të Turqisë.

Komentet e tij u bënë jehonë deklaratave të ngjashme të bëra ditët e fundit nga ministrat e jashtëm dhe të mbrojtjes të vendit.

LEXO GJITHASHTU:

• Dubai heq taksën 30% të alkoolit në një përpjekje për të rritur turizmin
• “Çdo banesë është një kështjellë”- Shefi i Wagner flet për frontin e luftës