Turqia në panik, një tjetër tërmet pritet të godasë zonën e shkatërruar 

Ekspertët amerikanë paralajmërojnë një tjetër tërmet me magnitudë 6.8 i shkallës Rihter në jug-perëndim të Turqisë, pikërisht në të njëjtën zonë që pak kohë më parë u trondit nga tërmeti shkatërrimtar që la pas mbi 50 mijë të vdekur.

Një grup shkencëtarësh nga Universiteti i Kalifornisë Jugore analizuan tërmetet me magnitudë 7.7 dhe 7.6 me qendër Kahramanmaraş që ndodhën më 6 shkurt.

Gjeofizikanët njoftuan se nuk kishte thyerje në një pjesë të vijës që shkaktoi lëkundjet dhe se u konstatua shtrëngimi. Shkencëtarët amerikanë vunë në dukje se kjo situatë mund të shkaktojë një tjetër tërmet.

Ekspertët u kërkuan autoriteteve turke të bënin menjëherë një ekzaminim total të ndërtesave të shembura dhe të dëmtuara pas lëkundjeve të shkurti me qellim parandalimin e katastrofave te mundshme në rast të një tërmeti tjetër në këtë rajon.

LEXONI GJITHASHTU:

• “Ata nuk flenë më gjumë”, të mbijetuarit e tërmetit në Turqi shfaqin probleme
•  Një tjetër tërmet ‘godet’ Turqinë, ja sa ishte magnituda