“Ata nuk flenë më gjumë”, të mbijetuarit e tërmetit në Turqi shfaqin probleme

10 Prill 2023 | 16:02

Shumë prej tyre kanë frikë në flenë gjumë, të tjerë kanë frikë të qëndrojnë brenda mureve. Madje disa prej tyre kanë nisur të kenë frikë edhe nga malet që kanë qenë burimi i tyre i mirëqenies.

Të mbijetuarit e tërmetit katastrofik në Turqi ,  e sidomos në Antakia e lashtë, po vuajnë në heshtje fatkeqësinë  që vrau më shumë se 50,000 njerëz dy muaj më parë. Cuma Zobi e njeh mirë këtë ndjenjë.

 “Unë nuk fle më, shkoj në shtrat në orën 3 të mëngjesit dhe zgjohem në 5, 6 të mëngjesit,  Edhe djali im ishte në Antalia dhe tani është kthyer të më shohë për një javë, zgjohet disa herë duke bërtitur natën, për shkak të tërmetit,”-tha Cuma Zobi, roje sigurie.

Psikiatri vullnetar Eralp Turk përpiqet të shërojë ankthin duke u endur  rreth zonës së fatkeqësisë me një kuti plot me pilula në makinën e tij dhe një bllok shënimesh për regjistrimin e emocioneve.

 “Tre çrregullimet mendore më të shpeshta me të cilat përballemi aktualisht janë reagimet e rënda të stresit, reagimet e pikëllimit të lidhura me humbjet dhe së fundi rishfaqja e sëmundjeve të vjetra psikiatrike që janë zgjuar nga tërmeti te pacientët,”-tha Eralp Türk, psikiatër vullnetare në zonën e tërmetit

Në ditën e fatkeqësisë, foshnja e Sevgit ishte vetëm 15 ditëshe. Tani kjo nënë e re jeton me frikë.

“Ka pasur tërmet dhe  ende toka  dridhet nganjëherë. Kështu që  padyshim ndiej frikë. Dhe nuk është në  frikë vetëm  për mua, por për fëmijën tim, ne jemi të shqetësuar”,-tha Sevgi Dagli.

Shumë nga qytetarët  që humbën shtëpitë e tyre  po shfaqin simptoma të çrregullimit të stresit post-traumatik e ndoshta do të duhet shumë kohë të rimarrin veten.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut

Izraeli dhe Libani kanë rënë dakord për zbatimin e një armëpushimi të ri, i cili kushtëzohet nga ndalimi i plotë i sulmeve të Hezbollahut, njoftoi...
07:18 | 04/06/2026

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026