Turqia: Suedia ende duhet të plotësojë kritere për t’u anëtarësuar në NATO

Turqia vlerëson hapat e deritanishme të Suedisë për të marrë miratimin për t’u bashkuar me NATO-n, por thotë se vendi nordik ende nuk ka përmbushur angazhimet që mori për të siguruar mbështetjen e Ankarasë.

Deklarata u bë nga ministri i Punëve të Jashtme të Turqisë, Mevlut Cavusoglu, i cili tha se vendimi i një gjykate suedeze për të mos ekstraduar një person të kërkuar nga Turqia, për lidhje të dyshuara me një grusht shteti të dështuar të vitit 2016, kishte “helmuar” një atmosferë pozitive në negociatat për anëtarësimin e Suedisë në aleancën ushtarake, shkruan AP.

Suedia dhe Finlanda hoqën dorë nga politikat e tyre të vjetra të mosangazhimit ushtarak këtë vit dhe vendosën të aplikojnë për t’u bashkuar me NATO-n pas pushtimit rus të Ukrainës.

Ky proces kërkon miratimin unanim të 30 anëtarëve aktualë të aleancës.

Turqia e ka shtyrë procesin, ndërsa u bën presion dy vendeve nordike për të goditur grupet që i konsideron si organizata terroriste dhe për të ekstraduar persona të dyshuar për krime të lidhura me terrorizmin.

LEXONI GJITHASHTU

• Turqia nuk heq veton, Suedia ende pengesa për anëtarësimin në NATO

• Spahiu: Turqia nuk ndërhyri në marrëveshjen për detin, Berisha tradhtar
• Turqia mirëpret ekstradimin e militantit kurd nga Suedia